مقفول

للل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
تم تغيير رابط الموقع الى (مع تحيات الادارة)؟ http174.120.23.99~radiovbindex.php

شاطر | 
 

 ابوذية للشاعر الكبير عريان السيد خلف

اذهب الى الأسفل 
كاتب الموضوعرسالة
كاكا

avatar

عدد المساهمات : 198
تاريخ التسجيل : 29/06/2009

مُساهمةموضوع: ابوذية للشاعر الكبير عريان السيد خلف   الأربعاء يوليو 08, 2009 4:53 pm

<BLOCKQUOTE>

<BLOCKQUOTE>
[center]اهمومي ماتعداها ارقام ونمر
متى نكدر نفوت اعليك ونمر
دليلي اعلى المصايب صلف ونمر
يضحك والدهر محرب عليه

تعابيني بحجي الواشين والنوم
وانا والله ونيني اعليك والنوم
شوف الجسد مني ركد والنوم
حاربني وفلا يعتاد اليه

الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه

علامك تصد عن عتبي وتلهاي
او اراك امولع بخصمي وتلهاي
ولك نارك خذت كلبي وتلهاي
لها روحي اول لهبها محيط بيه

الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه

الكباحه دوم من اشفاك تنباع
ابفلس ما ظن بسوك الهرج تنباع
من حجيك غشيم الراي تن باع
وطلع كله دغش وسموم حيه

الالم يتسلي بدموعي ويلها
واندل السكم روحي ويلها
وجعها آه من نزفه ويلها
كلبي والجفه انولدوا سويه

انتهينا وايست منك وضعنه
وكل واحد منشي بدربه وضعنه
كضه وياك واتبدل وضعنه
امئيس واغسلت منك اديه

اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه

العاذل غير اطباعك ولاشاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه

يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه

بعد هيهات اولمهم وراهم
عجاج الظعن عن عيني وراهم
جفوني وظلت اعيوني وراهم
احشبحه او افراك براحات اديه

الواحد ما يصير اثنين بالقيد
ولا عندي حجي العذال بالقيد
دخيل اليسروه للشام بالقيد
يلين المايحن كلبه عليه

صحت الغوث من دنياي وناس
منهم ماشفت بالكدر وناس
هذا الكطع ذاك الغفل وناس
استغيث بخالقي رب البريه

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه

الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه

سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه

من منكم علي نشد من سال
جفيتوا وبجفاكم صوت من سال
اشعندي غير دمع العين من سال
اخفف بيه مصار الصار بيه


يناهي لاتشد باراس وبره
تظن منك دليلي يسل وبره
انا جمدوب اكد للظعن وبره
الظعن واهل الظعن شحو عليه

يلوم المادره بروحي شمرها
مايدري الدهر عن ودهم شمرها
ليالي افراكهم والله شمرها
أمر من المنازع بالمنيه

بروح الهوى عيب ابكه ولا خل
انازع والعكل صاحي ولا خل
ابكوتك ما الي صاحب ولا خل
سواك وحرمت وصلك عليه

شوف اشسال من جرحي وشده
وعلي تصعب مداواته وشده
نخيت اشجم خوي بهمه وشده
يصير اصعب من اعدائي عليه

وحك اللي تعبده الناس منشاف
الدمع من يومكم لليوم منشاف
الف ياحيف شفي انكطع منشاف
بعد هيهات جمعتنا سويه

علي معانقك ياترف ويبات
وعون النادمك للفجر ويبات
العاشق دوم يرع النجم ويبات
تجتلونه وعد الله خطيه

الكلب شاجر على ابن أمه وداوي
تضعضع ونهدم ركنه وداوي
لا مجروح حتى اكعد وداوي
ولا غايب وكول يعود ليه

تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه

علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه
</BLOCKQUOTE>


<BLOCKQUOTE>
تحياتي الكم
</BLOCKQUOTE>


<BLOCKQUOTE>
كـــاكـــا



</BLOCKQUOTE>[/size][/center]
</BLOCKQUOTE>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البرنسيسة



عدد المساهمات : 37
تاريخ التسجيل : 29/06/2009
العمر : 32

مُساهمةموضوع: رد: ابوذية للشاعر الكبير عريان السيد خلف   الأحد يوليو 12, 2009 5:07 am

انتهينا وايست منك وضعنه
وكل واحد منشي بدربه وضعنه
كضه وياك واتبدل وضعنه
امئيس واغسلت منك اديه


يسلمو كاكا انت مبدع في مواضيعك بس انحولت عما خلصتها ههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كاكا

avatar

عدد المساهمات : 198
تاريخ التسجيل : 29/06/2009

مُساهمةموضوع: رد: ابوذية للشاعر الكبير عريان السيد خلف   الأحد يوليو 12, 2009 3:57 pm


يسلموووو
برنسيسة ع المرور الجميل
نورتي الموضوع بتواجدك
تحياتي واحترامي
كـــــاكــــا

Laughing واني اسف اذا انعميتي Laughing

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس الجفون

avatar

عدد المساهمات : 152
تاريخ التسجيل : 04/07/2009

مُساهمةموضوع: رد: ابوذية للشاعر الكبير عريان السيد خلف   الأربعاء يوليو 15, 2009 10:00 am



ابوذيات رائعه جدا
سلم لنا اختيارك وتميزك
ابدعت اخي الغالي

تحيتي....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كاكا

avatar

عدد المساهمات : 198
تاريخ التسجيل : 29/06/2009

مُساهمةموضوع: رد: ابوذية للشاعر الكبير عريان السيد خلف   الأربعاء يوليو 15, 2009 4:19 pm


شكرا هموسة ع هذا الرد الجميل
الله لا يحرمنه منج
تحياتي واحترامي الج
كــاكــا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذية للشاعر الكبير عريان السيد خلف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مقفول :: الشعر الشعبي-
انتقل الى: