ابو ذيات عراقية جديدة وتخبل وطاكة

عدد المساهمات : 198 تاريخ التسجيل : 29/06/2009

هذه مجموعة من الابوذيات
ان شاء الله تعجبكم

1.عليك الروح نص الليل ونت
لان برغي القلب مفتوح والنت
ادور عليك بالجات والنت
وينك ياحلو بس مر عليه

2.سفن حبك بشؤاطي القلب شرعن
وسهم حبك نبت بحشاي شرعن
اريدمذهب يحلل البوس شرعن
واذا ماكو راح ارد للجاهلية

3.شكثر بجفاك ون قلبي وهم لك
وعقلي غفل فاركني وهم لك
شتظن انساك ياغالي واهملك
وانت بدمي دم يدور بيه

4.عمي ذبت بغرامك مايع اني
ومنو بهجر الغوالي مايعاني
نشف من اثر هجرك ماي عيني
وبقى بس القهر والضيم بيه

5.اليريد الحلو لابد ويامر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد عليه

6.قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه

7.الشوك وياك صدفة قابلاني
شيجي منك عليه قابل اني
تقشمرني بضحكتك قابل اني
غشيم وتعبر الضحكة عليه

8.تروح الروح بغيابك واردهه
وكتاب اجفاك يامدلل وردهه
روحي بغيابك ترى يذبل وردهه
ماي انته وترد الروح بيه

9.صرت مرهون حبك وانت راهن
وعليه ايام هجرك ون تراهن
تجي مرة نتواجه ونتراهن
من الاكثر يحب ويود أخيه

10.صديقي اشكد وفي بطبعك وصادق
واحبك مااحب غيرك وأصادق
نخيت المهدي والباقر والصادق
تظل انت اعز محبوب اليه

عدد المساهمات : 194 تاريخ التسجيل : 27/06/2009

يسلموووو كاكا ابوذيات كلش حلوة
تقبل مروري
عليك الروح نص الليل ونت
لان برغي القلب مفتوح والنت
ادور عليك بالجات والنت

قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه

شي جميل اموت على الشعر الشعبي والدارمي والالبوذية اذا امكن نزلو بعد نريد نقرا

عدد المساهمات : 198 تاريخ التسجيل : 29/06/2009

شكرااااااااااا
ع المرور الجميل
نورت الموضوع
ابن الموصل & البرنسيسة
وانشاء الله اقدك الكم اكثر واكثر
ويدللووووووو
تقبلووو تحياتي
كــــــاكـــــأ

عدد المساهمات : 152 تاريخ التسجيل : 04/07/2009

10.صديقي اشكد وفي بطبعك وصادق
واحبك مااحب غيرك وأصادق
نخيت المهدي والباقر والصادق
تظل انت اعز محبوب اليه

**&&**&&**

الله الله
كلللللش حلوين عاشت ايدك
طبعا اني اموت على الابوذيه
وهيج سوالف
ننتظر منك المزيد يامبدعنا

عدد المساهمات : 198 تاريخ التسجيل : 29/06/2009

شكرا هموسه ع هذا الرد الجميل
نورتي الموضوع بردك
وانشاء الله اقدم ما يعجبكم وتدللون
تحياتي لكم
كــاكـــا

عاشت ايدك خويه كاكا ابوذيات كلش جميله
تحياتي واحتراماتي الك

عدد المساهمات : 198 تاريخ التسجيل : 29/06/2009

شكراااااااااااا
عموري ع هذا المرور الجميل
تحياتي الك

» احدث ابوذيات عراقية 2009
» هلو اني صديقة جديدة
» مجموعة ابوذيات جديدة وحلوة كلش
» لحك تحشيشة جديدة لحسام الرسام دم دم دء دم ده ده حفلة العيد